.i mi ca'o cilre la .lojban.
.i lo vi ckupau cu lojbo termakfa .i ja'e bo ko minde da poi valsi tcidu ku'o lo nu klama la vlasisku
.i vi zvati loi dacti
pamoi papri
la bliiardo bolci: .i do ba zi zbasu lo snuji xau mi
le pendo: .i mo .i ko zbasu si'unai
la bliiardo bolci: .i sudo ko'oi ba zi zbasu lo snuji xau mi
le pendo: .i .y vi'o
pamoi papri
lo pacycrida: .i doi lo mrodimna mi klama gi'e friti le nuncanja
la bliiardo bolci: .i ko tcidu le sinxa
la pacycrida: .i lu ca lo nu nerkla lo vi kumfa kei do nalpro fi lo ka fesli'a lo do ruxse'i
gi'enai da'arta'a lo ne'i mrodimna vau li'o li'u
.i .uecai do na kakne
la bliiardo bolci: .i ta'ado'u lerci dukse
tcita
.i la .mefistofyliz. cu facki lo terbilga be fi lo romoi sampli
cmene selci'a
.i lo ciblu po'o poi cmene se ciska fi lei terbilga cu se rinka tu'a lo mabla vasru be lo kompadi
pamoi papri
la krerebla: le judrybe'i cabra ba rejgau lo se litru je lo tcaci vu'o pe lo serlaximorfa
remoi papri
la krerebla: .ibabo lo go'i cu toljorne jecu fulta klama lo sefta
cimoi papri
la krerebla: .i lo xrugau pruce cu kargu be mi'a dukse
.ija'ebo le vasru ba jai gau tisna lo vartisyboi fai lo pavmoinavni
jecu fulta ga'u lo tumla
vomoi papri
la krerebla: jecu fu'e .a'o se tolcri jecu se mrilu fi mi'a fu'o
[ .e'o ko va'o lo nu tolcri cu fonjorne ]
mumoi papri
[ sa'ei .tcynk. ]
xamoi papri
[ sa'ei .spluc. ]
bimoi papri
[ sa'ei .klik. ]
panomoi papri
[ sa'ei .xis.s.s. ]
pavomoi papri
lo skepre: iiiiiiiiii
pamumoi papri
[ sa'ei .tcamp.tcamp. ]
paxamoi papri
lo verba: be'e patfu
lo patfu: re'i
lo verba: mi djica lo ka skepre
pamoi papri
la bliiardo bolci: .i mi bavyviska soi do nau djuno
la megyn: .i lo si'o da go'i na zasti
remoi papri
la bliiardo bolci: .i je'e
.i ko xarpei pa namcu poi jbini li pa ce'o li panono
la megyn: .i .uo
la bliiardo bolci: .i li voci
la megyn: .i .ue cai
cimoi papri
la bliiardo bolci: .i mi troci lo nu nalmutce co stika lo nunji'e be mi
la megyn: .i .uanai
.i mi na kakne co jinvi
vomoi papri
la bliiardo bolci: .i ko na xanka gi'e tolmo'i lo se cusku be mi
la megyn: .i ku'i
la bliiardo bolci: .i mi'o ko'oi klama lo skina
la megyn: .i mi .yyy. .i je'e vi'o
tcita
.i lo nu le bi'unai tcica cu se snada cu se kanpe fi li pace'i
.i ku'i ca lo nu snada kei ja'a vamji
cmene selci'a
.i cumki fa lo nu kanpe fi lo zmadu sai be li pace'i
va'o lo nu co'a sanji lo te morna be lo namcu se cuxna
pamoi papri
la bliiardo bolci: .i mi suzroi cfasanji .ue lo ni te cuxna fi mi
lo pendo: .i pau
remoi papri
la bliiardo bolci: .i mu'a mi bu'u roda poi casnu ku'o ca rode mi ka'e da'i xanda'i lo se tavla
.i fau la'e di'u so'i ka'e nunji'e galfi cu fasnu
cimoi papri
la bliiardo bolci: .i lo po'o mi menli javni cu fanta lo nu mi xanda'i do gi'a lubgau gi'a klama la .fidjis. fu lo vinji
.i lo javni cu je'a se krinu da
.i ku'i e'u pei ko su'oroi zifre zukte pu lo nu do morsi
lo pendo: .i je'e
vomoi papri
la bliiardo bolci: .i .uinai mi pu bilga lo nu prujungau ta
lo pendo: .i ku'i do na ba'e kakne
.i sa'e melbi fo la'e di'u
cmene selci'a
.i mi suzroi teptce lo nu cfasanji lo ni te cuxna fi lo drata prenu
pamoi papri
le voksa: .i ki'u lo nu nurxru lo se nolraitru be mi kei mi friti fi do fe lo vlipa banli
remoi papri
le voksa: .i da ganai dasni le vi makfa cutci gi kakne co rivbi lo ka morsi kei lo nu bajra
la bliiardo bolci: .i ki'e .i mi ...
cimoi papri
la bliiardo bolci: .i .ue my cy se jmadegji le te fendi .a'unairo'a .uinai
vomoi papri
le voksa: .i ku'i gau my cy do mivnalsti
la bliiardo bolci: ... .i .ei mi jurpei
cmene selci'a
.i ti'e ra ba'e ja'a kufra traji fi lo jamfu terdasni be ba tu'a lo nabypa'o
pamoi papri
la krerebla: .i .e'u mi'a klama la berti xaskoi
.i sei da xusra la snanu xaskoi cu zmadu fi lo nilcumki be lo serlaximorfa gunta
li renoce'i
la bliiardo bolci: .i je'u .i ku'i vedu'o lo datnyske lo nu xaskoi vitke ciroi jenai reroi
cu jai va'o zenba lo nilcumki
be lo nuncelgunta
be lo limna gerku
poi jgari lo cecla lo moklu vau
ba'e *li munoce'i*
la fraso mapku: .i .uinai .ii nau cire'u vitke
tcita
.i sei ko morji lo pilji be li papimu bei lo cmatce nilcumki za'o cmatce
cmene selci'a
.i .e'a xusra lo du'u sa'e cumki fa lo nu di'u nibli lo du'u ro nilcumki cu cmatce
.i mi spuda fi lo se du'u .iidaisai ko capyju'i lo va gerku
pamoi papri
la .megyn.: .i doi tadni ko fargau la lunra
.i va'o lo nu daxfli ...
remoi papri
la .megyn.: ... ko ba'e za'ure'u celgunta
.i ko ca ro da co'u no de celgunta
cimoi papri
la .megyn.: .i ca pa djedi pa ma'a daspo le bebna tsani bo cukla
.ije --
.i mo .i ro do mo --
vomoi papri
la .megyn.: .i jibni ti'a mi vau xunai
.i mabla
.i ro ko tarti lo fadni
cmene selci'a
.i ko fargau la lunra
.i va'o lo nu daxfli ku do baku kansa la terdi lo ka srumu'u la solri kei
jecu jmive ka'ai no prenu
bu'u lo .aitxero
fi'o viska le ricfu je friti zdani noi do fesli'a
pamoi papri
la fraso mapku: .i uinai le tsani cu lenku .ije le loldi djacu cu dukse jdari tezu'e lo ka pinxe
remoi papri
la fraso mapku: .iku'i mi ponse lei mi xancykosta .ije le kensygusni cu mligla vau .ui
cimoi papri
la fraso mapku: .i u'e ko tinju'i lo nu lei nalci slilu vinji cu se snasni vi lei grana clagaldi'u
vomoi papri
la dunra mapku: .i ki'a ro ta poi valsi cu drata fi lo selvla
la fraso mapku: .i cumki .iku'i loi ba'e selsni cu xamgu
la fraso mapku: .ija'ebo ma se vajni
mumoi papri
la dunra mapku: .i .ie ku'i ma te lujvo vau .uinai
cmene selci'a
.i a'o ko ra'irgau lo ka mligla kei doi lei cmalu ke nalci slilu gi'e penmi lei mutce ke spati sovda
pamoi papri
la bliiardo bolci: .i notci fi la .alis. la .bab. fa lo nu ri ra zo'e goi ko'a penmi
la skami skepre: .i je'e
la bliiardo bolci: .i ku'i la .iv. ji'a viska ra gi'e klama ko'a
la skami skepre: .i mi jimpe
la bliiardo bolci: .i bavypunji la .bab. .ije la .alis. la .iv. penmi
la skami skepre: .i .a'o mo
cmene selci'a
.i .ui zo'o mi facki lo jai bapli be lo nu lo skami skepre cu te cusku lo tolzdi lisri
pamoi papri
la kerfa: .i ca tcima pei
la bliiardo bolci: .i .ie ba'e je'e .i lo jetce senta be lo varxamsi cu culno lo cizra morna .u'e
la kerfa: .i je'e ju'ocu'i
la bliiardo bolci: .i la tcekau prujungau ciste cu bavyxusra ti'u li pabi fi lo nu klanrpaskali li soxaki'oki'o ca lo vondei .i xu tolna'e pei
la kerfa: .i .uanai ki'a
la bliiardo bolci: .i je'e fau'u .i .ie .uinairu'e ca cizra tcima
cmene selci'a
.i nandu lo crexalbo be tu'a lo tcima
pamoi papri
la nanmu: .i lo ninmu cu ba'e xusra lo du'u djica lo vrude nanmu .iku'i jetnu djica
la bliiardo bolci: ta'a do'u lo nanmu poi spuda lo nu prami fitytoltu'i kei lo nu tolsi'a lo du'u ra kakne lo pu'u pajni gi'e sevzi sanji vau pei
.i ganai go'i gi ko na'e xanka vau .ui dai xo'o
cmene selci'a
.i cumki fa lo nu do nitcu cnino cilre lo pu'u jimpe lo nalbacru selsku
.i pamoi nunctu .i mi'o dzukla noda .iku'i mi troci lo nu cliva lo nuncasnu .ije do mi klaje'i
pamoi papri
la nonselji'u: .i .oi lo pinfu cu tolrinju gi'e ca'a limna klama lo tumla vau .ue .ii
la bliiardo bolci: .i .e'o ga'i ko zifcru lo'i serlaximorfa
la nonselji'u: .i je'e .nol.
remoi papri
la nonselji'u: .i lo serlaximorfa cu ca'a cliva
la bliiardo bolci: .i .ianai xu ri tolrinju ji'a
.i ko jitro lo nu lo serlaximorfa cu jersi ra
cimoi papri
la nonselji'u: .i lo ba'e cnino serlaximorfa ca'a cliva
la bliiardo bolci: .i ko zmadu lo'i serlaximorfa
la nonselji'u: .i .uanai doi .nol. ma fasnu
la bliiardo bolci: .i lo pinfu sa'u zo'u na ka'e curmi lo nu tolrinju
vomoi papri
la nonselji'u: .i doi .nol. xu do troci lo nu binxo la .dum.ailand. lo xasyske briju
la bliiardo bolci: .i lo nilxa'ugri be lo serlaximorfa cu jdika
.i ta'a mi do'u mi skudji lo du'u .eisai roda ma'a terpa
la nonselji'u: .i .ua ju'ocu'i
cmene selci'a
lu .i caku doi loi mi nolse'u mi bazi catlu lo tanxe be lo serlaximorfa li'u
lu .i xu ba'e nitcu lo se cafne be lo nu do go'i li'u
lu .i .eisai na ka'e curmi lo nu lo pinfu cu tolrinju li'u
pamoi papri
la nonselji'u: .i selplijibri do la .cynyn. lo pu'u jmina loi viska
remoi papri
la xekri mapku: .i go'i .ije mo
cimoi papri
la nonselji'u: .i paunai pu xatra ki'oki'o cunso fonjudri do lu .i .uecai ko viska lo nuzba li'u xu .ianai
la xekri mapku: .i je'a tolpo'u .ui
la nonselji'u: .i .uinai mi'a pu ba'e na'e zu'edji
cmene selci'a
.i co'u selplijibri do mi'a
.i ku'i lo bende be fo lo pu'u finti lo nuzba cmene cu djica lo nu selplijibri do
pamoi papri
lo skami: .i .e'unai lo ba'e sarcu ke samselpla nunfarvi cu bredi
remoi papri
lo skami: .i sa'e tolxrani fi lo ka lo skami cu dikca jelca ca lo cunso
cimoi papri
lo skami: .i to nitcu lo nu refcfa lo do skami kei lo pu'u farvi toi
la bliiardo bolci: .i ko mi ba mojgau
.i iklki
cmene selci'a
.i mi ca pilno so'i samselpla
pamoi papri
la bliiardo bolci: .i lo remna na se xamgu lo pu'u ca'o sanli ca lo mulno djedi
.i ti mutce zmadu fi lo ka kanro
tcita
.i lo mi selzdifri zo'u zmadu lo prenu noi pilno lo sanli bijyjbu
cmene selci'a
.i mi pu ckasu ri
.iku'i .ue ckasu mi ki'u lo du'u lo mirli cu kanro kufra .ue ri'anai lo du'u tikpa
pamoi papri
la megyn: .i xu do pu se slabu lo selcarcna kevna pe la .kolas.
la xekri mapku: .i na go'i .i ra mo
la megyn: .i gungunma fi lo softo lo nu carcna ni'a lo pilka be lo terdi
remoi papri
la megyn: .i jitfa datnynoi secu'u lo du'u da'i lo carcna cu nerkla lo mutce glare kevzda
seki'u lo nu lo snaveitci poi nitkla lo kevzda cu tirna lo cortu cmoni
.i cusku lo du'u la'edi'u krinu lo nu lo kunkakpa pu seltelgau lo jinto
gi'e fesli'a lo gungunma
cimoi papri
la xekri mapku: .i .ue mu'i ma da krici lo ta lisri
la megyn: .i mi smadi lo du'u su'o prenu cu krici lo du'u la .infernus. lolni'a selzvati pe'anai
vomoi papri
la xekri mapku: .i na jimpe .i sa'e mu'i ma lo kunkakpa cu seltelgau lo jinto
.i ma mukti lo nu na kakpa lo naxle lo xamsi
.i da'i ju'ocu'i ra nelci la .infernus.
mumoi papri
la megyn: .i .yyy. ca da'i lo nu lo terdi ba jamna la .infernus. ku mi pacna lo nu ma'a se bende
la xekri mapku: .i do simlu lo ka xendo .ija'ebo la'a na go'e
cmene selci'a
.i lo vajni lisri pe lo cabycte zo'u la .lusyfir. noi truspe lo manku ku'o
puzi lo cabdeicerni bu'u lo zdani cu morsi fi'o nanca li xo'e
.i mu'i so'i serlaximorfa poi xabju lo ra pu gugde ku'o na pu ka'e xruti lo xadni
pamoi papri
la blabi mapku: .i .ie ku'i pau ganai da'i mi xendo da poi prenu ku'o va'o de
gi ba mo
la blabi mapku: .i xu ba xendo lo ba'e drata prenu va'o lo ba'e drata vau .ianaisai
la blabi mapku: .i pau ca ma fanmo
cmene selci'a
.i je'u na simlu lo ka nandu kei fa lo nu zi lo snidu be li so'u ku sinma da ki'u de poi vajni da
.iku'i ganai ca ro lo djedi ku do tavla vei so'o pi'i panono prenu seni'i lo nu ri co'a sojypa'a lo mintu nunxendo
gi ba nu'o se jalge lo nu se festi lo ba'e mentu
.ije ba'e ma mukti
pamoi papri
la bliiardo bolci: .i ke'unai do va xu co'a jmive
la megyn:.i mi prami do
la bliiardo bolci: .i .ue .uanai
la megyn: .i doi djabei ro da poi cmima le vi se gusta zo'u mi djica tu'a pa mupli be da
remoi papri
la bliiardo bolci: .i mu'i ma do galtu
la megyn: .i mi se kavbu
la megyn: .i ti poi palta cu simlu lo ka kukte
la megyn: .i sa'ei zoi ky. aaaoogaoag .ky
cimoi papri
la megyn: .i co'o
la megyn: .i ku'inai mi ca xruti
vomoi papri
la bliiardo bolci: .i xu do se jitro la .tuitc.
la megyn: .i ko catlu ti poi cinri sarlu
la bliiardo bolci: .i ri --
la megyn: .i ba'e ca'o rejgau
cmene selci'a
.i mi cnikansa lo xarpre pe typypy
.i ki'u bo mi ji'a pu xagyfarvi fo du'e nandu mivypau
ki'unai lo za'i mi se kavbu su'o sampu nabmi ca su'o mulno djedi
pamoi papri
lo rokci: .i coi lo ninpre
lo rocki: .i da poi terzukte zi'e poi mukti do zo'u ko ba'e radycru da
lo rokci: .i do ba facki no spuda bu'u le vi se fesli'a kutytu'a
la bliiardo bolci: .i mi pu djuno la'e di'u
la bliiardo bolci: .i ju'ocu'i .a'onai mi pu nitcu lo nu viska
tcita
.i mi xenri lo za'i cinmo caitcu lo nu tcidu lo remoi mutpapri be lo selja'e be lo me la .gugl. sisku
cmene selci'a
.i mi ko'oi ze'i ku nityvi'a gi'e sisku ti'a le va rokci
.ije .y. .ua .uinai detfukcru lo mutpapri fo lo datru be fo lo mleca be li reki'o
.i .uesai .uinaisai .ianai xu ta .uebre cukla
pamoi papri
lo pamoi bliiardo bolci: .i lo nunsku cu zvati lo birerevomoi kumfa
lo remoi bliiardo bolci: .i .ua .uisai
lo pamoi bliiardo bolci: .i .uanai
la remoi bliiardo bolci: .i .u'u ju'inai
tcita
.i .uizo'o mi ba ze'e notci lo nacle'u poi da'i xamgu fi lo nu jmina vi la'oi 2048
cmene selci'a
.i co'u nanca li reno fa lo zu'o mi pinfu la'o gy skyline tetris gy
pamoi papri
la bliiardo bolci: .i lo tarmi be lo remna cu ckaji lo ka kucli .e lo ka sisku lo danfu
la megyn: .i ro da poi remna cu pinvre gi'e ga'orgau lo kanla vau ca fi'u ci lo da mivru'e
.ije no da djuno lo krinu
la bliiardo bolci: .i .y. ba'e je'u
cmene selci'a
la .uiliym.dement. noi sipna tadni ca la .stanfrd. cu cusku
lo se du'u ba lo pu'u tadni lo nunsipna kei noi nanca li muno ku'o
vo'a djuno pa po'o danfu be lo du'u mu'i makau ma'a sipna be'o
no'u lu mu'i ma'a sipna nitcu binxo li'u
pamoi papri
lo bliiardo bolci: .i da'i krasi fa lo zu'o mi vimcu lo bukpu festi lo seldasysudri'ami'i julne ca mu mentu
lo bliiardo bolci: .i da'i balvi fa lo zu'o mi da'erzu'e tu'a lo batke be lo clagusxa'i lo vrici lo nu cfasazri ra kei ca pa cacra
lo bliiardo bolci: .i da'i balvi fa lo za'i mi jibmu'o gi'e ricfu jmive
tcita
.i ganai da reisku lo du'u makau senva jibri mi
gi mi noroi djuno lo du'u klani makau lo ka fatci
cmene selci'a
.i da'i mi ba termu'i lo nu cliva lo nunjibmu'o tezu'e lo zu'o sotroi batci lo barda spisa be lo milxe ranti lakse
pamoi papri
la nixli: .i xu do morji lo purci be lo kibro
la megyn: .i li'a go'i
remoi papri
la nixli: .i ri mo
la megyn: .i xu ri po'u lo za'i na ponse lo fonxa .e lo skami tepi'o lo nu nalju'igau
la nixli: .i go'i
cimoi papri
la megyn: .i puki ba'e ba'e tolzdi
ca ro lo temci
.i mi zutse po'o
.i toltraji
vomoi papri
la nixli: .i ku'i xu zu'i na .y. zmadu lo ka vajni gi'a se jundi vau do
la megyn: .i na banzu
la nixli: .i ba'e mi ki ta'e nalju'i
la megyn: .i lo nu go'i na dunli lo nu mi'a pu go'i
cmene selci'a
.i mi'a pu kinzga lo ba'e donri tivyskina
.i xu do sanji lo ni ri daspo lo ruxse'i
.i mi maudji lo nu citka la'oi .iPad. kei lo nu toldicra lo zu'o kinzga lo donri tivyskina
pamoi papri
la bliiardo bolci: .i mi troci lo mutce sampu
.i ba'a ri na nandu
remoi papri
lo na se viska: .i lo skami na zmadu lo ralci cnici canre
.i ba'e roda nandu pu'o lo nu de da filgau
vomoi papri
la bliiardo bolci: .i ju'ocu'i da'i mi xrugau ti lo za'i canre
lo na se viska: .i mi sisku tu'a lo jelgau pilno
cmene selci'a
.i to ba xa cacra toi sei mabla ri'a ma lo vi sampau cu du'i renvi
.i mi djica lo nu po'o vimcu lo te gunde sepi'o lo'e fadni
pamoi papri
.i lo xrulrviola cu xunre
remoi papri
.i je lo rozgu cu blanu
cimoi papri
.i ca bo lo nu tu'a lo bacmai
vomoi papri
cu galfi lo se skari
cmene selci'a
.i da'i ganai mi zbasu lo se skari galfi bacmai
gi mi kacmyxra gunta lo kacmyxra pe la'oi .Instagram. sepi'o lo boxfo poi sa'e vimcu lo julne
pamoi papri
la nixli: .i mo pu la barda nunspoja
la bliiardo bolci: .i mi jinvi lo du'u lo temci pu cfari ca la barda nunspoja
.i seni'i bo noda smuni lo preti be lo purci be ri
la mujyskepre: .i .o'i ko'oi
remoi papri
la mujyskepre: .i ui coi do mi mujyskepre bu'u lo xilckabu zdidadysli
.i mi'a na djuno lo du'u xukau lo temci pu cfari ca la barda nunspoja
.i lo se go'i cumki
.i na'ebo ri cumki
la bliiardo bolci: .i je'e
la nixli: .i lo do xilckabu zdidadysli cu simlu lo ka zdile
la mujyskepre: .i mi na ka'e sisti
cimoi papri
la bliiardo bolci: .i xu lo zdidadysli sisti ri
la mujyskepre: .i mi pu jinvi lo du'u go'i
.i ku'i zy simlu lo ka ca'a sutyze'a
la bliiardo bolci: .i lo mu'eske cu simlu lo ka mutce cfipu
la mujyskepre: .i ui
cmene selci'a
.i ri'anai lo se slilu be mi ku mi na ka'e litru lo bartu be lo vi djine
.i cumki fa lo du'u lo bartu canlu na zasti
.i ku'i mi jinvi lo du'u ja'a zasti
.i lo vi xilckabu cu se krasi da
pamoi papri
la megyn: .i ju'o la risna blucri cu traji lo ka xlali kei fo loi ze'e kibro kamsnura nunde'a
la bliiardo bolci: .i go'i fo loi purci
.i ko denpa
remoi papri
la megyn: .i ku'i le vi nabmi cu zmadu lo spofu termifra
.i ra curmi lo nu lo vitke be lo mutpapri cu cpacu lo cunso se datnyvau lo kibyse'u
cimoi papri
la megyn: .i zmadu loi ckiku
.i se jbini loi datni be lo kibnunvi'e be'o
.e loi samymrijudri
.e loi japyvla
.e lo glefi'a be fi lo camselci'i
la bliiardo bolci: .i xu ba'e roda se jarco
vomoi papri
la megyn: .i ku'i lo nungunta cu se jimte lo datnyvau
la bliiardo bolci: .i seni'i bo snura fa lo papri
.e lo kliti tanbo
la megyn: .e lo ma'a xarpei ji'a
la bliiardo bolci: .i za'a dai ma'a ba renvi
cmene selci'a
.i mi pu catlu so'u lo jmaji be fi lo datni bei ra'i lo tolnu'a mutpapri
.i je xlali
.i mi viska lo samymrijudri .e lo japyvla .e lo japyvla .anci
.e lo ckiku be la'oi .SSL. be'o .e lo pevytitnanba
.e lo vajni kibyse'u noi tisna lo samjudri be lo vitke ku'o
.e lo gunta bloti noi cecla vi lo janco be fi la .orai,an. ku'o
.e lo cy zei gusli'i noi mircai sefa'e lo manku va lo me la'oi .Tannhäuser. vorme
.i la'a .e'u se'i da'i mi cikre la'oi .OpenSSL.
galraipau
.i ciksi lo du'u lo risna blucri cu pruce fo ma kau
pamoi papri
la megyn: .i doi lo kibyse'u do'u xu do za'o zvati
.i ganai go'i gi ko spuda fi zo'oi .potato. no'u le xa lerfu
lo kibyse'u datnyvau: le sampli no'u la megyn djica le xa lerfu no'u zo'oi .potato.
remoi papri
lo kibyse'u datnyvau: le sampli no'u la megyn djica le xa lerfu no'u zo'oi .potato.
lo kibyse'u: POTATO
cimoi papri
la megyn: .i doi lo kibyse'u do'u xu do za'o zvati
.i ganai go'i gi ko spuda fi zo'oi .bird. no'u le vo lerfu
lo kibyse'u datnyvau: le sampli no'u la megyn djica le xa lerfu no'u zo'oi .bird.
vomoi papri
lo kibyse'u datnyvau: le sampli no'u la megyn djica le vo lerfu no'u zo'oi .bird.
lo kibyse'u: BIRD
la megyn: .yyyy. .ua
mumoi papri
la megyn: .i doi lo kibyse'u do'u xu do za'o zvati
.i ganai go'i gi ko spuda fi zo'oi .hat. no'u le munono lerfu
lo kibyse'u datnyvau: le sampli no'u la megyn djica le munono lerfu no'u zo'oi .hat.
xamoi papri
lo kibyse'u datnyvau: la megyn noi sampli cu djica le munono lerfu no'u zo'oi .hat. li'o sai sa'a
lo kibyse'u: HAT. .i la lukys cpedu lo mutpapri pe lo fliba nunjo'e
.i la iv noi raitru cu djica lo nu galfi lo banli termifckiku pe lo kibyse'u li pavobicimunocibimucivo
.i la izybel djica lo mutpapri poi se skicu fo lu since sei ku'i na dukse clani li'u
.i la karen noi sampli cu djica lo nu galfi lo japyvla la'oi CoHoBaSt
pamoi papri
le notci be fi le vinji: lo xukmradriamaisna noi cmima lo'i ma'a traji ke kenra xukmi cu zilcpacu lo dertu be le .itlo badydi'u
tcita
mi zdifri lo nu zekri nerkla lo vinji zdani tezu'e lo nu galfi lo venynoi lo cinri fatci bu'u lo barda lanci
cmene selci'a
la .iri'or. noi nolraitrfaro ca lo cipamoi na'acto be pu tu'a la .xrison. cu pamoi lo'i remna poi ma'a djuno lo cmene be ke'a
pamoi papri
lo ni mi jimpe lo termu'eske fi lo ve srumu'u
ca lo nu ve ke remoi ckule fi lo termu'eske
ca lo nu kulmu'o lo balcu'e fo lo termu'eske
ca lo nu je'a selplijibri fi ny .abu sy .abu
ca lo nu co'a samkei la kensa selpla pe lai .kirbl.
lo temci -->
cmene selci'a
.iku'i selplijibri mi ny .abu sy .abu lo nu gunka tu'a lo sampre kei noi drata lo termu'eske fi lo ve srumu'u
.i lo cmalu je zmana'u selsalpo ca lo nu go'i cu se krinu lo du'u da poi zvati ny .abu sy .abu cu so'iroi casnu lo kensa
pamoi papri
la bliiardo bolci: .i lo gubni sidju notci zo'u
lo ka zifre lo nu cusku cu smuni lo du'u lo truci'e na ka'e pifygau do ni'i lo do se cusku
remoi papri
la bliiardo bolci: .i ra na smuni lo du'u lo drata cu bilga lo nu ga tinju'i lo do malsi'o
gi se vitke do ca lo nu do selfai ri
cimoi papri
la bliiardo bolci: .i la pamoi seljmina na jai bandu do lo jusysku .a lo selni'i
vomoi papri
la bliiardo bolci: .i ganai do te ki'asku gi'a lifri lo nu vimcu lo do seltivni kei gi'a se vimcu fi lo kibro cecmu
gi lo do cusku kamzifre na se natfe
mumoi papri
la bliiardo bolci: .i ku'i lo prenu poi tinju'i cu jinvi lo du'u do malpre
xamoi papri
la bliiardo bolci: kei gi'e jarco tu'a lo vorme do
cmene selci'a
.i sei mi lo jaivi tinju'i na morji
ko'a pu cusku lo sedu'u lo nu do jai bandu lo selji'i ta'i lo nu sitna lo cusku kamyzifre cu kinda sorta traji lo ka radji'i
.i ni'i bo cu'u da'i do traji lo'i sraseldau be lo do selji'i fa lo du'u na se ba'e zekri lo nu cusku ri
pamoi papri
lo skami: .i lo jai se sisku cu te facki
la bliiardo bolci: .i ja'a facki fi
.i ri cnita lo zunle je galtu kojna fi'o nilcla re degygutci
tcita
.i lo gugde trupau be lo mipyzga cu tolmocpla lo cizra tu'a la'au ma zvati la .ualdos. li'u
cmene selci'a
.i ca'a benji lo sampre lo judri be lo jai se sisku
.i .oi sei mabla lo batke cu naldra vau .oi sai
pamoi papri
.i spaji
|
| +----> .i lu ki'a sai li'u
v | |
+-> .i sa'ei zoi by. beep | |
| | beep --+ v
+-------+ beep .i spuda lo fonxa vi lo nunsne
^ beep .by |
| |
| v
.i tolspuda <---- .i tavla
tcita
.i nabmi mi tu'a lo fonxa spaji
cmene selci'a
.i ba'e ma mi fonjorne
.i mu'i ma lo toltraji fi ro lo prenu pe lo munje cu fonjorne mi
pamoi papri
la bliiardo bolci: .i lo te fazyta'a cu jetnu
.i la .gugl. ba sazysti la ma'u
.e la kinfonxa
.e lai kacmyxra
.e la voksa
.e lai tertcidu
.e la velvei
.e lai cartu
.e la'oi .gmail.
.e la'oi .chrome.
.e la'oi .android.
.e la sistci
mu'i lo nu jarki zukte fi lo mi'a pamoi gungunma
po'u lo li bi pi'e bi pi'e bi pi'e bi kibyse'u be fi dy ny sy
cmene selci'a
.i lo li bi pi'e bi pi'e vo pi'e vo kibyse'u noi mleca lo ka misno cu ba se sazysti
remoi papri
la bliiardo bolci: .i ca lo nu lo bloti jenmi pe lo fasygu'e cu sazysti lo mifra be fi la .mors. kei
noi datru fo li pa so so ze ku'o
ra benji lo romoi notci
no'u lu doi ro do dei lo mi'a romoi selki'a pu lo temcimni nu mi'a smaji li'u
vomoi papri
la bliiardo bolci: .i mi retpei lo du'u xukau mi ka'e facki fi lo mi jaspu pe la'oi .LiveJournal.
la megyn: .i .i'enai mi je'a nelci la'oi .LiveJournal.
la bliiardo bolci: .i ri xamgu selkla tezu'e lo nu panpi je smaji vau pe'i ru'e
cmene selci'a
.i ni'i bo la fircku ba'o mutce xamgu ro do'o vau zo'o sai
pamoi papri
.i lo cnino mixre be la'oi .Android.
.e la'oi .iOS.
cu samcmu
+----------------------------------+
| |
| |
| |
| |
| |
.i kacma vi lo korbi | | .i mlugau lo gusni lo ka drata fi lo tcelerita
| | to zmicu'a li pa no no toi kei
| | gi'e jai stika tu'a lo junla ca lo nu sutri'a
| |
| |
.i lo vidni cu klina | |
| | .i claxu lo jimsko
| |
.i lo vasru cu simlu lo ka jetnu | |
| |
| | .i lo sutri'a terzga cu
| | mu'i gi te zgana lo nu lo fonxa cu farlu
| | gi ki'argau ri
| |
.i kansa la'oi .FlightAware | |
.i ku'i vinji se sance | |
ca lo gapru nunvoi | |
| |
| |
+----------------------------------+
.i ca lo nu zgana lo gusni kei
lo fonxa cu cusku lu coi li'u
.i pengau lo me xy ky cy dy fonxa
.i lo do selbei munje cu co'a te kanji
cmene selci'a
.i se pengau fi'o kansa la'oi .Craigslist.
.e la'oi .Whirlpool.
.e la'oi .Hostess.
.e la'oi .LifeStyles.
.e la merko ke canja kumfa
.i se zbasu sepi'o lo minji noi pu'i vasru lo debnraki ji'a
.i lo jdima cu jai vasru lo terbilga be tu'a la'oi .Knicks. bei fi'o cabyku'e lo nanca be li re
.i lo fonxa ka'e fagystigau lo zvajbi laktergu'i
.i ganai lo fonxa cu vasru la'oi .Siri. gi ko xruti co temsepcau gi'e na tavla ri gi'e na se jitro ri
.i ko na vimcu lo cnisa vasru
.i lo fonxa ka'e trina je kavbu lo cinki vau sei fadni
.i lo nilcladu ka'e se stika to nitcu lo jatna se curmi toi
.i ganai do lifri lo suksa nu rakcro ja befybi'a ja vamtu gi ko fanri kraga'igau co temsepcau
.i ko na setca fi lo djacu mu'i lo du'u lo fonxa cu jaurvasmro
.i lo bartu ka'e claxu lo frica
.i lo clani nunpli ka'e rinka lo cnitcini binxo .a lo zasni nu tolmo'i .a lo besna malselca'a
.i ko na catlu ca lo nu basygau lo dicysro
.i fau su'o da lo jimsko claxu velbe'i ka'e jitro la .cev.
pamoi papri
la bliiardo bolci: .i do pu bi'o ca mo
la megyn: .i mi mutce gunka lo cmaci tu'a lo mi kulmu'o datnynoi
la bliiardo bolci: .i xu do ka'e ciksi ri tai lo du'u mi verba li mu
la megyn: .i lu .ue .ii lo do rirni cu zvati ma li'u
cmene selci'a
.i lu xu mi kurji do .i .ei mi ciska lo kulmu'o datnynoi li'u
.i lo'u lo mi rirni cu zvati lo ri zdani .ije do pu vitke ca -- le'u
.i lu ta'a .i'enai .i ko ciksi tai lo du'u do verba li mu li'u
pamoi papri
la megyn: .i prina lo tsani
fa lo velfa'u boxna
poi pu desku bu'u lo munje
ca lo za'i ri cmalu fi ti
remoi papri
la megyn: .i se ni'i bo sa'e
ma'a pilno piro lo munje
le bratce cmactatci
noi ke'a catlu ke'a ca lo za'i ke'a cmalu
cimoi papri
la krerebla: .i .u'e
la megyn: .i .ie ku'i .yyy.
la krerebla: .i mo
la megyn: .i ko catlu
vomoi papri
la krerebla: .i je'e .i .uanai
la megyn: .i .ie
la krerebla: .i mo
la megyn: .i mi na djuno
cmene selci'a
.i sei bavykri ly .e ky facki tu'a lo ruble velminra be la'oi .Michael Jordan. .e la'oi .Bugs Bunny. bei bo'au lo dikca
pamoi papri
la bliiardo bolci: .i naru'e co'e
tcita
.i lo trene cu minji lo nu jgari be fo lo jimte garna gi'e cargau vau lo terdi pu'o lo nu lo pagbu poi do djica cu jibni
cmene selci'a
.i lo trene cu cargau lo terdi lo vrici .i ku'i lo lafmi'i cu cnegau lo ty kensa stuzi
pamoi papri
la bliiardo bolci: .i lo nu setca cu co'a je du'i sutra je tolcrori'a
.i mi stidi lo nu rivbi ri gi'e jai gau farvi fai lo fonxa
noi xa'o te setca ro samtci gi'e kibycpa je pilno ri
ca po'o lo nu nitcu
tcita
.i mi jinvi lo nu mi mencre kei pu lo nu cfasanji lo du'u mi tolmocpla lo mutpapri
cmene selci'a
.i ku'i lo mi selpla be fi lo nu zbasu je diklo bo rejgau lo terganzu seju datnyvei pe lo sampli
tezu'e lo nu ra'irgau lo datnyvei lo krefu be lo nu setca
cu ju'ocu'i plixau
.i sei denpa .oi lo go'i cu du lo pevytitnanba
pamoi papri
la bliiardo bolci: .i li'o
.i ba bo ko'a pu platu fi tu'a la vorme co bargu
no'u pa lo traji be lo ka ka'e se sanji
bei lo'i bargu pe la .seint.lu,is.
tcita
.i lo se nelci fanza zo'u lo te datnynoi cu naltcu cusku lo'u pa lo le'u te zu'e lo nu xusra milxe
cmene selci'a
.i lu lo pa traji be fi ma kau li'u smuvrici .i ku'i lu pa lo traji be fi ma kau li'u se pavysmu li'a
.i ta'onai se mu'i bo mi do dunda le vi kabri ne lu pa lo balrai be fi lo'i mamta be bu'u lo terdi li'u
pamoi papri
la bliiardo bolci: .i .oi du'e datni
remoi papri
la nonselji'u: .i .a'u mo
cimoi papri
la bliiardo bolci: .i .yy. sa'u ro da co'e
la nonselji'u: .i ba'e je'u
cmene selci'a
.i lu du'e datni li'u pu ki se smasku ko'a noi ca zgana lo xamsi
pamoi papri
la krerebla: .i mi na ka'e xarpei lo nu da poi ma'urbi'o bu'u lo kibro
cu ka'e jivna fo lo nu gugja'a
remoi papri
la kreclupa: .i ma nibli
.i ni'i bo da'i smuni fa lo nu dunda lo terdi pe'a noi co'u nitcu do ku'o
lo rorlei noi do na jimpe vau xu
cimoi papri
la kreclupa: .i je'i ni'i bo da'i zasti fa lo selburna pixra be mi'a noi verba
vomoi papri
la krerebla: .i .yy. go'oi pixra ju'ocu'i
la kreclupa: .i .ue .ii xo'o pixra be lo dekci'o
.i paunai ta'i ma ma'a ba renvi xu
cmene selci'a
.i da poi jinvi lo du'u ro ma'a ba judytcidu lo vricyski se kibykarni be fi lo dekci'o zo'u
da pu noroi troci co tcidu lo vricyski se kibykarni be fi lo dekci'o
pamoi papri
la megyn: .i fo lo nu le vi tarci cu jdika lo ka carmi cu jinvi
fa mi lo du'u ty se srumu'u su'o plini
tcita
.i barplini tarskepre ca lo nicte
cmene selci'a
.i pu zi ku su'o barplini tarskepre pu'i snada fi lo nu racyju'i lanli lo se gusminra kei
fe lo nu facki tu'a la terdi ca lo djedi
galtu tcita
.i ca lo nu da benji lo pixra be lo da fonxa
dizlo tcita
ga mi na ka'e jundi lo se notci ginai lo dicysro cu ponse so'u dikca
cmene selci'a
.i mi dikca jongau lo mi fonxa .i ku'i lo dicysro pe bu'u lo vidni na zenba lo ni dikca
pamoi papri
la bliiardo bolci: .i ko se xanri
lo ka cunso cuxna fi lo nenri be lo patxu poi vasru lo pamu bolci ku
no'u xa xunre joi so xekri
la megyn: .i je'e .i da'i mi xanku'e gi'e co'e li'o
.i .uecai fagyfesti fi lo mi rirpa'u vau .uecai
la bliiardo bolci: .i .ue mo
la megyn: .i mu'i ba'e ma do mi co'e
cmene selci'a
.i ba'e pe'u .i cuxna je xruti xu
pamoi papri
.i kensa va xare minli
.i me la .iaksyn. va papamu minli
.i me la .memfys. va nobi minli
cmene selci'a
.i ca le bi'unai nicte
su'o jibmu'o vijysazri lo .ubu sy .abu fy. cu basygau le sinxa be li xare
le sinxa be li muno
pamoi papri
.i mi prami le vi se senva
.i ro nu plipe cu sotclamau
.i ro nu catke lo tumsfe cu sotrubmau
.i pu'o lo nu mi
ra'irvoi
cimoi papri
.i ba'e .a'o mi ca'a senva
cmene selci'a
.i ja mi vofli co kruvi simsa lo terdi tezu'e lo nu tumsfe xrukla
pamoi papri
la bliiardo bolci: .i lo seznafmlu pe la .fermis. za'o zenba co mabla
.i ganai lo plini cu jai fadni gi ro da zvati ba'e ma
remoi papri
la megyn: .i sei ko se xanri do vaxni'ajirpre gi'e catlu lo loldi be lo xamsi
.i do djuno lo du'u pa finpe cu zasti .i ku'i do na ka'e viska ri
cimoi papri
la bliiardo bolci: .i sei cumki lo finpe cu vinsmi lo canre
la megyn: .i .ie
vomoi papri
la megyn: .i je da'i do jivbi'o ma lo mivyvanbi
cmene selci'a
.i sei lo kensylitru pa'o lo darvistci cu catlu se'u
sei lo selskina be la xedja co'a se sance se'u
pamoi papri
la megyn: .i mi jgari lo barda volfalnu .i je ko tolsakci fa'a mi pu'o lo nu mi co'a vofli
.i do jinvi ma le di'u sidbo
le carmi'i: .i mi na tcebra camselci'i
cmene selci'a
.i lo remoi platu zo'u gasnu lo nu vofli pa'o lo balre fa lo volfalnu poi se dandu lo rokci kei
sefi'e lo rerce'a poi brarai ne'i lo munje
pamoi papri
la .brai,yn.inos.: .i coi mi'a la .brai,yn.inos.
noi cmima lo cmupre be la clani cabna girzu
remoi papri
la .brai,yn.inos.: .i sepa'u lo mi'a terzu'e no'u lo nu darsygau fi lo clani temci pensi ge'u
mi'a ba'o cpedu fi lo certu
fe lo ka sidju mi'a
lo ka jajgau loi cukta ku
poi le selklu cu krefu
se zbasu be fi ke'a
kakne
fau lo nu daspo
cimoi papri
la .brai,yn.inos.: .i ca lo cabdei mi'a gubgau lo spuda po'u lo ba'e pamoi clinoi be lo selklu
vomoi papri
la .brai,yn.inos.: .i sa'ei .axem. ni'o pamai lai dalbi'o xi pa no'u la nungunta
ni'o remai lai dalbi'o xi re no'u la vitke
ni'o cimai lai dalbi'o xi ci no'u la nunpenmi
le narselvi'a tersku: .i xu ro da me lai dalbi'o cukta
la .brai,yn.inos.: .i na go'i
.i ji'a su'o da me lai brabi'o .onai lai citri be lai .andal.
cmene selci'a
.i mi'a ba pilno piro lo pa lo dijypau be lo ckusro
tu'a lo fukpi be lai dalbi'o xi rexa
ki'u lo du'u .ue.iu ri lisri lo nu sei lerci la .djeik. jo'u la .kasis. ba'e cinbysi'u
pamoi papri
.i mi ba'o facki lo jetnu banli nibli be lo du'u
cumki fa lo nu gau jdika lo datni lo ni se canlu kei li ci'i
.i ku'i le vi korbi cu dukse lo ka cmalu .yyy. .i .ua .i ju'inai .uinai
cmene selci'a
.i creti'i
.i ka'e rivbi tu'a le jimte pe la .canon. joi la .xartlis.
lo ka snigau le lermorna nilbra li no
galtu tcita
.i tu'a lo jakne rixybakfu cu frili
pamoi papri
la bliiardo bolci: .i .oi ro'o
dizlo tcita
.i lo nandu pagbu cu nu finti lo bandu be lo trixe be lo tuple
cmene selci'a
.i ro nanca zo'u le cabna'a cu cabna
.i je mi djica tu'a le mi jakne rixybakfu
fu'ei .e ji'a lo mi nonjdima nunka'oku'i poi binra mi lo jakne rixybakfu velxai fu'oi
pamoi papri
la megyn: .i .e'o ko refyba'u lu lisri djacu papri vorme li'u pe co'a ku
ce'o lu pojbregau le la .yDEL. clane'o danlu renro jbama ku li'u pe ca'o ku
ce'o lu rutrfragari jgalyjukni sorpemci vau li'u pe mo'u ku
tcita
.i le banskepre cu prami le za'e jamfu
cmene selci'a
.i ba bo ko smasku zo rixyda'i le mi kerlo ca lo nu do jgari mi
pamoi papri
la bliiardo bolci: .i le vu plini no'u la mipnavni ca'a tolstobi'o vau .ue
le cifnu: .oi .oi .oi .oi .oi
la megyn: .i le va cifnu cu jai fanza sai fai lo ka krixa
cmene selci'a
.i le solri jo'u le falda'e vu'o pe vu cu jai galfi do .yyy. da ju'ocu'i
.i go'i fi lo ka na tirna tu'a do vi la terdi kei po'oru'e
pamoi papri
la rancukmapku: .i ca ro lo djedi mi zbasu lo cmalu bloti lo pezli
.i ba bo mi renro lo rokci pu'o lo nu by galjdika gi'onai fluli'a
remoi papri
la rancukmapku: .i se zukte fi no da gi'e ku'i se surla mi
cimoi papri
la megyn: .i ca ro lo djedi mi tcidu loi pinka be pa nuzba selkarni
cmene selci'a
.i sa'ei .pluc.
.i za'a do na tolcliva la .vinland. ca lo cabdei vau doi .lif.eryksyn.
pamoi papri
la blabi mapku: .i .yyy. za'adai lo'e prenu cu tolmencre
la bliiardo bolci: .i sei va'urpante
remoi papri
la bliiardo bolci: .i na go'i
.i lo'e prenu na tolmencre
.i no'oroi ku lo'e prenu cu fadni lo ni mencre
.i do ca gi cusku lu lo'e prenu cu tolmencre li'u
gi te smuni lo si'o tolmencre ba'e le do se kanpe
cimoi papri
la bliiardo bolci: .i do skudji lu lo drata prenu mleca ba'e mi lo ka mencre li'u
.i je sei cumki do drani
.i se ni'i bo ...
vomoi papri
la bliiardo bolci: ... mi .ai cnemu do lo ka mencre sai kei lo pamoi na'arvelne'u
.i .a'o re'e do ca bi'o ba dunda lo do kamprije lo ma'a kibro
cmene selci'a
.i doi ro spuda be ro da bei lo nu cusku lu co'u krici fi loi remna li'u
.i ki'e
.i je mi jungau loi remna
.i je sei mi birti ri ba dritce xo'o
gapru tcita
.i nuzba ca lo cabdei
.i lo gugdekupu cu capnu'e lo mergu'e mu'i le ba skina
.i loi bende be lo serlaximorfa cu banro mutce vi lo stuna xaskoi
.i la'oi .SpaceX. .ai cecla lo cnino jakne ca lo cabdei
pamoi papri
la bliiardo bolci: .i co'o
.i .ui mi ba viska do ca lo cabycte
le narviska'e: .i ko se li'i xamgu djedi .i di'ai
le veltivni: .i lo skepre cu jungau fo lo du'e serlaximorfa li'o
dizlo tcita
.i tezu'e lo nu lo nuzba datnynoi cu mutce co zenba lo ka capti'i simlu
cu xanri ko
fa lo nu tirna ny dy lo skina ra'i lo va veltivni
ca lo nu lo ralju xarpre cu cliva
cmene selci'a
.i li'o lo nuzypre pu co'u .ue se jibri tu'a la jvinu pe .abu by cy ca lo cabdei
.i la'a .abu by cy ba notsku tu'a lo cnino li'o
pamoi papri
la rancukmapku: .i .uisai
.i mi ba'o cpacu lo nitysakli jaspu
la bliiardo bolci: .i ri mo .uanai
remoi papri
la bliiardo bolci: .i je .uanai bu'ocu'i do ca mo
cimoi papri
la bliiardo bolci: .i ko sisti
.i ko sisti
vomoi papri
la bliiardo bolci: .oi ro'o
cmene selci'a
- .i doi do'u mu'i ma do na kakne lo ka fadni kumkansa
- .i lo nu mi muvdu ba'e fa'a do
pamoi papri
la megyn: .i la fircku .ei na cuxna lo jai se jarco be ri bei ma'a
te zu'e lo nu tolmarde ke menske kamjunmre
.i gau fy .ei lo se go'i cu jai se nibli
.yyy. zo'e noi gau fy pu se no'a
zi'e noi la'a mapti lo marde vau .iepei
cmene selci'a
.i zo'o naku ma'a kakne co mi'ecpe lo samselpla poi jatna lo ma'a nunji'e
.i teca'i ma ma'a kakne co catlu lo sivni be fy
pamoi papri
la krerebla: .i mi te benji lo notci be lo du'u le kamymanku ca ba'o stici preja la .teksas.
.i ca cabyfau cu'u lo mi'a ternoi pe bu'u la .xiustyn.
la bliiardo bolci: .i la .solris. cu canci pu za cino mentu vau .ii
tcita
.i lu doi seldjizu'e
.i sei romoi be lo mi seldji se'u gau ko ro nuzypre cu tolmo'i fi lo donri je nicte dikni li'u
cmene selci'a
.i sa'e di'u vonoxamoi lo seldji
.i remoi lo seldji fa lo nu sy cirko lo ka kakne co morji lo du'u ro cnino seldji na pamoi
pamoi papri
la pruxi: .i .iidai lo temci cu fasnu
la megyn: .i .oi temci pruxi
la bliiardo bolci: .i .uanai
la megyn: .i bazi cmafatci
remoi papri
la pruxi: .i lo gugdrvietnama nunjamna lo cabna
cu zmadu lo ka ce'u teijbi lo nu la'o gy. Forrest Gump .gy cu gubybi'o
la megyn: .i ko ba'e cliva le'o
la pruxi: .i lo fadni binxo be lo ka riryrirni cu citmau la .kianurivz.
la bliiardo bolci: .i .yy. di'u jitfa ju'ocu'i
cimoi papri
la pruxi: .i lo ca binxo be lo ka rirni pu jai se ditcu li pano ca lo nu la .eminem. cu jai preja
.i .iidai patfu zgike
.i lo go'e cu morji lo la .simpsynz. nanca poi na lirmau lo mumoi .a xamoi
la megyn: .oi
la bliiardo bolci: .i pu za ma ty py zukte
vomoi papri
la pruxi: .i lo nu mi jai cfari kei lo do nunmrobi'o cu zmadu lo ka ce'u darmau lo cabna
la megyn: .i ko jai sisti
.i .uecai ba'e mo
cmene selci'a
.i lu coi pruxi catra xu li'u
.i lu .iidai lo jbena be ba lo nu lo di'u skina pu gubybi'o kei
za su'o nanca cu ca'a rorci lo remoi verba li'u
pamoi papri
la balprenu: .i mi pu'o jgari ta
.i mi zmadu lo fadni prenu ge lo ni clani kei lo degygutci be li mu
gi lo ni tsali kei li xa ce'i
tcita
.i lo cnino nu refcfa fa la balprenu kei noi se stidi tu'a le balylunra
cmene selci'a
.i ji'a ko viska
lo nu refcfa fa la balprenu kei ne lo nu by ka'e cupra lo sorjontai poi degygutci li so'o ku
gi'e mleca co nitcu lo bakri be bu'u lo xance
bei ca lo nunrokcpare
gi'e ru'inai milxe co tolkufra lo tcini
galtu tcita
.i ma panomei co traji fi lo ve draci ca lo cabdei
pamoi papri
la megyn: .i li bipapimu .i ku'i sei mi jinvi le creka cu minra
.i doi .djystin. ko na muvdu
dizlo tcita
.i mi'a cpacu lo nilglamreca'a be ta'i lo bacyxungu'i tezu'e lo ka facki
cmene selci'a
.i za'u re'u ku traji fi lo galmu'u tarci be bu'u la .xali,uyd. fa la .pirsiys. xi .ksis. bu
pamoi papri
la .dart.veidr.: .i za'a do ba'o zbasu lo cnino clagusxa'i
la .luk.: .i .yy. go'i
.i jetnu sai
tcita
.i la .veidr. cu tolcri lo gletci be la .luk.
cmene selci'a
.i ko gy na cfasazri
pamoi papri
.i since fatci fa lo ci di'e
.i pamai farvi lo since vindu lo molylitki
seni'i lo du'u puzuku pa since cu se moklu da poi zmadu lo fadni lo ka rigni kei li ba'e so'u
lo since: .i .ui coi ro do
lo drata: .i .uinai la .frank. cu zvati
.i remai lo traji be lo ka clani bei ro since pe bu'u lo terdi
cu xabju la .brasil. jo'u la .peruv. jo'u la .tcileis.
gi'e te jinvi lo du'u vo'a zatra'i lo nanca be li za'uxano
.i cimai fau lo nu do ganzu ro lo bongu be fi pa since lo linji kei
da'i do zbasu lo since
cmene selci'a
.i da'inai sei mivyske le since cu djaruntyrango gi'e rivli'a vau lo remna
pamoi papri
la bliiardo bolci: .i pu za lo nanca be li reno
mi tadni lo ve ganzu jo'u lo nalsirji fancu jo'u lo cizra trina
cimoi papri
la bliiardo bolci: .ije facki no da lo nu lo dinsauru cu rivli'a
cmene selci'a
.i ku'i lo bacru kamjunmre be tezu'e lo nu kulmu'o
cu te preti lu xu do kakne lo ka pacmi'a tai li'u po'o
pamoi papri
.i la .dybykupr. no'u la .dan.kupr. goi ko'a
pu zerle'a lo vinji ca lo pasozeji'imoi nanca
gi'e camcpe lo rupnu jo'u lo falbu'u ca lo nu tumsfe xrukla ku
gi'e plipe fi lo vinji ca'a lo nu vofli ku
gi'e noroi jai se facki
.i ko'a canci seji'o lo rupnu be li so'i xoi nonseljmi
.i ko'a selcme gi'e zatra'i vau lo jetnu selju'o be no da
.i ko'a ta'e se ba'urtadji lo smuvrici je rutni bo cumki
ne la'o gy. negotiable American currency .gy
.i no da djuno lo balvi se lifri be ko'a
remoi papri
.i la .tami,uaizóx. no'u la .djanis. goi ko'e
pu finti gi'e jitro gi'e ralju xozdraci vau la kumfa ku
noi so'i da jinvi lo du'u da poi se traji la me la .kein. flaselgu'e zo'u
da se traji ke'a ro mabla skina
.i ko'e tolcanci seji'o lo rupnu be li so'i xoi nonseljmi
.i pa jibykansa cu xusra lo du'u ko'e zmadu sai lo ka zatra'i kei lo se xusra be lo nei
.i ko'e ta'e se ba'urtadji lo smuvrici je rutni bo cumki
ne la'o gy. You are tearing me apart, Lisa! .gy
.i no da djuno lo purci se lifri be ko'e
cimoi papri
.i la .kupr. (to pixra fi fy by .ibu toi)
.i la .uaizóx. (to kacmyxra fi la .al.pavankanan. la .flikr. toi)
la nonselji'u: .i lo vi velcki cu traji lo ka bebna kei ro se cusku be fi mi
la bliiardo bolci: .i ku'i velcki ba'e ro da
cmene selci'a
.i lu da'i mu'i ma pe bu'u la terdi da vofli blozeile'a
te zu'e lo ka zivle fi lo mabla skina ba so'o nanca be li pano li'u
.i lu lo prenu ca cizra mutce li'u
pamoi papri
.i ni kilga'axa'i bu'u lo kensa kei xoi te fancu lo nanca
.i ca da renro la .rozetaz. fa'a lo bisycmaplini
ka'ai lo tumtsuku noi vasru lo kilga'axa'i velyla'a
.i ca de fasnu fa lo me lo xalka moi pe la .ypalos. xi pare
cmene selci'a
.i la .filaif. noi tumtsuku zi'e pe la .rozetas.
lo nu lo ni vo'a renro lo kilga'axa'i cu banzu
cu te mukti lo nu vo'a ve samselpla fi lo nu vo'a jinvi lo ka troci lo ka catra lo bisycmaplini
pamoi papri
la megyn: ni'o romo'o sa'ei zo'oi .aaaaaaaaaaaaaaaaaaaaaaaaaaaaaaa.
tcita
.i lo traji be fi lo kulmu'o selfi'i bandu cu tsali kulmu'o selfi'i gunta
cmene selci'a
.i lo mi datnyjalge cu vajni xagzenki'u lo ca za'i laaaaaaaaaaaaaaaaarcu
pamoi papri
la bliiardo bolci: .i xu do sanji lo fu'ei tolcu'i fu'oi ke mikybo'a matra
remoi papri
la megyn: .i go'i
.i sei xu mi jimpe da pu setca lo klanrxuati be li renoki'o le tanxe va'o lo fadni
.i je ty slilu lo cmalu ku ba'e po'o
la bliiardo bolci: .i je'u
cimoi papri
la megyn: .i la'e ba'e di'u jai spaji
.i ganai setca lo klanrxuati be li renoki'o ba'e mi gi da'i mi slilu lo barda
la bliiardo bolci: .i ku'i do na catke lo kantu rolzunti
la megyn: .i lo za'i go'i cu ba'e cumki
.i mi so'i bu'a
la bliiardo bolci: .i si'au mi'o na kakne co birti
cmene selci'a
.i mi na jimpe lo selzu'e be do
.i seni'i bo cumki fa lo nu do jai jikca lo kantu rolzunti virtuale plasimi
pamoi papri
la bliiardo bolci: .i ko catlu
.i ui mi cpacu pa pagbu be lo falplini
le pendo: .i sa'e zo falplini sinxa ri va'o lo za'i farlu kei po'o
.i ba lo nu janli cu se cmene zo likro'i
tcita
.i zukte'obi mi fa lo nu mixre lo steci valsi
cmene selci'a
.i je'unai .i lo likro'i ku po'o cu se cmene zo lolnitlikro'i va'o lo za'i vo'a lolni'a
.i ro lolni'a poi drata cu se cmene zo likro'i
pamoi papri
la xekri mapku: .i ro cipni pe la dzupoi pe lo zipcpi nau morsi
remoi papri
la megyn: .i je'e .i mi jimpe .u'inai
.i ro ma'a laldo zenba
la xekri mapku: .i uanai mo .i na'i
cimoi papri
la xekri mapku: .i mi na troci lo ka gau ce'u do cinmo lo ka laldo
.i mi troci co xersku
la megyn: .i ii re'e
cmene selci'a
.i ku'i do ja'a laldo zenba
pamoi papri
/-> nalju'i caicta -\
| lo .ekra |
| v
nalpei catlu kibycpa lo nuzba mutpapri
lo cmamau cabra |
^ |
| v
\ zdicaudri binxo <--- co'a tcidu
cmene selci'a
.i sei rigni lo verba be nau ku cu ca'a tolmo'i
lo laldo larcu be lo ka nalju'i tcidu pa xabypapri du'ere'u ku
gi'e ba bo jundi stika ja'e lo nu tcidu za'u cukta
pamoi papri
la blabi mapku: .i ue za'u skecipra cu facki lo du'u lo verba
va'o lo nu vo'a selbeifonxa selci'a benji
sepi'o lo brevia
cu ba'e zmadu fi lo ka gerna je lerpoi certu
la bliiardo bolci: .i mu'i ba'e ma la'e di'u spaji
remoi papri
la bliiardo bolci: .i sei ko se xanri bazi pa mokca ro verba cu bolre'o kelci ca ba'e ro da
.i bu'u ro se klama cu simxu lo ka ce'u renru lo bolci ce'u kei
gi'e renro lo bolci lo gapru .e lo dagysni
.i ca so'a nu cikna cu go'i
cimoi papri
la bliiardo bolci: .i xu do jinvi lo du'u lo bi'unai rorlei
cu ga'arboijvi tolcertu ki'u lo nu pu nonselra'u cilre
la blabi mapku: .i ku'inai xu do jinvi lo du'u da ba banli ci'arfi'i binxo ca lo nu ba'e za'e glebenji
vomoi papri
la bliiardo bolci: .i xu do pu tcidu lo prami xatra be fi la .djeims.djois.
.i lu lo mi cmalu glecipni li'u .e lu zargu co culno be lo se kafke li'u zasti
.i va'o lo nu ma'a djica lo ka finti la .iulisiz.
cu cumki fa lo nu le ca rorlei na ba'e banzu lo ni glebenji
la blabi mapku: .i sei rigni
cmene selci'a
.i da'i mi se gleki lo ka tolcri lo korpora be lo se finti be lo verba ku ku
noi na'e sevzi cuxna ku'o
(to mu'a pa da ctuca fi lo zemoi fe de poi ca ro nanca
ro ke'a xanci'a te xatra lo gugja'a toi)
gi'e kanji lo ni lo verba be pu lo nanca be li reno
cu certu so'o selsajra'a ke ciska terxamgu
.i ti'e ma'a se tolprali fi lo ka zgana du'e tolcertu crenzue
.i ku'i da'i ca ro djedi mi dejru'a fo tu'a lo rorlei poi ca va'o so'e da jikca sepi'o lo selci'a ku'o
.enai lo rorlei poi pu ta'enai finti lo cukta notci
.e lo xatra be lo rirmamta
pare'u ro nanca
pamoi papri
la bliiardo bolci: .i ua le va stuzi cu simlu lo ka xamgu lo ka tumkla
jecu citka so'o cinki
jecu zbasu lo sovda dakli
tcita
la jukni nanmu la jukni nanmu zo'u ckaji ro se kakne be lo jukni
cmene selci'a
.i tu'a ca ku tcika lo nu dansu ca'u la .maridjein.
.i va'o lo nu mi zanfu'a ku my na ta'e lidne nungletu mityjutcti
pamoi papri
la .megyn.: .i ki'u ma tcatypatxu bu'u lo lumku'a
le nonselji'u: .i .u'u .i ca lo nu fonta'a kei mi roroi nalju'i jecu bevri so'u dacti
remoi papri
la .megyn.: .i pa mruli cu zvati lo lekmi'i
le nonselji'u: .i za'u nu fonta'a .i sa'u mi nalju'ikei
cimoi papri
la .megyn.: .i gau do xu ro lo mi'o dacti cu se derxi co cizra
le nonselji'u: .i ze'u nu fonta'a .i .u'u
vomoi papri
la .megyn.: .i ki'u ma pa bratce rokykamju cu zvati lo selsrustu
le nonselji'u: .i za'u nu fonta'a .i .u'u
la .megyn.: .i rakci'a lo jdaselsku be fi la ruxse'icti be me'e zo .ba'al.
le nonselji'u: .i .u'i mi ja'a nalju'i
cmene selci'a
.i mi te sidbo fi no da fe lo pu se pensi be mi
.i ku'i ta'onai sei cumki mi'o .e'u catlu lo se cusku be la .ba'al.
pamoi papri
1990 2000 2010 2020 2030
| | | | |
===================+ +======================
| |
fadni kanjunla | | mencre kanjunlj
| ^ |
===================+ | +======================
|
lo tortei noi balcai cu pu cabna
lo nu lo xanterjo'e be ma'a cu zifre
cmene selci'a
.i lo tolci'opre pu di'i finti lo za'e peirselci'a besera'a loza'i lo'e ca prenu ru'i dasni lo kanjunla jecu selbapselfu lo junla
.iku'i lo go'i nau binxo lo ka finti lo peirselci'a besera'a loza'i lo'e ca verba na jimpe lo te xamgu be fi lo slabu kanjunla
.i lo se jinvi be mi zo'u: zo peirselci'a simlu lo ka se finti da poi na sanji zo besna
pamoi papri
# doi mi peca lo balvi
#
# .i do ca'a catlu lo vi datnyvei ki'u lo nu lo turfa'i pruce nau je ba so'ida spofybi'o
#
# .i kakne co cikre ri .i do bilga co refci'a
la bliiardo bolci: doi mi peca lo purci .i milxe co tolkufygau fa lo nu do gasnu
# .iji'a la'a tu'a nauku datru fo li su'o renopaci .i xu do pu ca da zukte le nu litru lo .islenska gugde
la bliiardo bolci: .i ba'e ko sisti lo ka pajni tu'a mi
cmene selci'a
.i cumki falonu mi seki'ugi na klama lo .islenska gugde gi jitro lo mabla samselpla be ba'e do
pamoi papri
la fraso mapku: .i lo mi fonxa bazi mrobi'o
remoi papri
la bliiardo bolci: .i do cpacu lo barda me la'oi iPhone ma
.i mi pu jinvi lo du'u za'o na gubgau
la fraso mapku: .i ti me lo mi pujeca fonxa
.i sa'u ri ca'o mrobi'o
cimoi papri
la fraso mapku: .i ri cagi xaksu lo dicysro gi glaze'a jecu braze'a
.i baziku braze'a fi li du'e jecu vasru ro mi'a
vomoi papri
la fraso mapku: .i sai babo sukcmabi'o xoi vlile nunspoja
la bliiardo bolci: ... .i xu do djica co jbera lo mi tolxakca'a
la fraso mapku: .i ii lo dicysro seja'e lo nu go'i da'i cu zmadu fi lo po'o ka sutra co se xaksu
cmene selci'a
.i lo fonxa ca lo nunspoja cu livbai lo bartu senta jecu te vimcu
fo pa me pa la'oi PalmPilot jo'u pa kajyca'a jo'u pa bejyjveterbe'i klacpeca'a
pamoi papri
la bliiardo bolci: ni'o ma do zukte'obi
remoi papri
la .megyn.: .i so'eroiku mi zutse
jecu xanka lo nu da retsku la'edi'u mi kei
jecu troci co finti su'o xamgu danfu
cimoi papri
la bliiardo bolci: .i la'edi'u na'e xlali danfu
la .megyn.: .i ri po'o te spuda fi mi
.i nau mulno ja'e lo nu .ei cliva co'o
cmene selci'a
.i ba bu'u lo zdani lu doi sivykarni mi za'o na snada co finti su'o selsku be fo ti li'u
pamoi papri
la bliiardo bolci: .i ca gi lo sampli cu kacmyterxra gi lo samtci .eidai cu cipcta fi lo ka xukau nenri lo gugypanka
la krerebla: .i je'e .i frili nuncatlu be gy .ibu sy
la bliiardo bolci: .iji'a cipcta fi lo ka xukau pixra lo cipni
la krebebla: .i mi nitcu pa skesisku bende je lo nanca be li mu
tcita
.i fi'o se saske lo skami ku cumki co nandu co ciksi lo du'u makau te frica lo frili lo so'ava'e tolcu'i
cmene selci'a
.i ca le pasoxaji'imoi nanca la .marvn.mnskis. cu minde so'u ve ma'urcu'e lo ka ze'a pa crisa ce'u sampla fi lo ka tcitygau lo dacti be ne'i lo jvinu
.i my pu jinvi lo du'u pu lo fanmo be le crisa ba'o spuda lo nabmi
.i ba lo na'acto be li pimu ma'a nau ca'o gunka
pamoi papri
la megyn: .i lo tolpofkemymakslikacma nuntadni be mi'a cu facki lo du'u
lo seltadni prenu ca lo nu ri gasnu lo morji selgu'a noi sampu
cu jarco lo zumfau bu'u lo pagbu be lo besna be'o
poi srana lo cladu savru je
lo nu cmazvakemnoryraclyte'a je
lo nu vimcu lo jimjadni
cmene selci'a
.iji'a jarco lo zumfau bu'u lo pagbu be lo besna be'o
poi srana lo nu se jungau fo lo selsenpi tadji be lo nuntadni be'o je
lo nu xanka tu'a lo narvimcu te jadyke'a kei je
lo tolpofkemymakslikacma sazri noi ze'e casnu la korcu nunli'u
pamoi papri
le ciska: .i mi pu co'a jinvi lo du'u mi du'e da ca'o cpedu
je lo du'u .ei mi randa
.ibabo mi zvafa'i do ne ve'u pimu lo munje
remoi papri
le ciska: .i mi ca ca'o jajgau lo jdini
.i baza lo masti be li xa ri banzu lo nu gaje do mi voikla
gi mi'o ze'a nalpindi
cimoi papri
le ciska: .i .ei ze'u denpa .iku'i pu lo nu voikla kei mi'o ba su'ai tavla ca ro djedi
vomoi papri
le skami: .i sei srera na benji
.i refcfa
.i sei srera na jorne
mumoi papri
le ciska: .i uanai mu'i ma mi na jorne snada
la krerebla: .i da puziku kinzga lo xajmi cai ne la .iutub.
jecu cusku lu mu'o .i ko fa'orgau lo kibro .i ma'a jai mulno fe'o li'u
xamoi papri
le ciska: .i ku'i
.i mi na jai mulno
cmene selci'a
.i fau'u .iku'i lo finti be le vi selpinka befo la fircku cu krici li'a tu'a ja'aku
pamoi papri
la bliiardo bolci: .i xu do sanji le lajre'e nabmi
la xekri mapku: .i na go'i .i LN mo
remoi papri
la bliiardo bolci: .i da'i pa lajre'e cu sutkla fa'a lo mu djucau prenu ne bu'u lo te trene
.ije do kakne lo ka lacpu pa vrabatke befi lo nu minde L tu'a lo drata te trene
.i ku'i --
cimoi papri
la xekri mapku: .i xu mi kakne lo ka lacpu lo vrabatke sezu'enai lo nu sa'irbi'o
la bliiardo bolci: .i mu'onai --
la xekri mapku: .i va'o le tcini mi xova'e zukcfu
vomoi papri
la bliiardo bolci: .i ja'o mi tolmo'i lo du'u mi tavla makau
la xekri mapku: .i lo rupnu be li pa cu vamji fi mi fe lo nu nu'e do mi lacpu lo vrabatke va'o lo nu do me lo mu prenu
cmene selci'a
.i lo rupnu be li mu fa'u remu cu vamji fi mi fe lo nu nu'e do mi na gafa'u gasnu le tcini
gi se prali za'uda lo ca nu kakne co zbasu lo mukti
pamoi papri
la bliiardo bolci: .i va'o lo nu da'inai ma'a pu kakne co benji lo nanmu lo lunra kei mu'i ma ma'a na kakne co --
la .megyn.: -- benji lo nanmu lo lunra vau pei
la bliiardo bolci: .i .i'a je'e .iku'i ma'a ca'o troci vau .i'epei
cmene selci'a
.i lu ".i mi jinvi lo du'u lo ma'a gugde cu .ei nupre lo ka snada lo ka
pu lo fanmo be lo nomoi'o be lo nanca be li pano cu benji lo nanmu la .vinus. jecu snura xruti ny.
--seisa'a lo sidju fi lo kerfa be lo gugja'a cu ze'i fenki smasku--
sa be li pano cu benji lo nanmu la .vinus." li'u
pamoi papri
la .megyn.: .i mu'i ma do sanli lo stizu jecu jgari lo bromeli
la bliiardo bolci: .i sai mi pu naje ku'i nau te benji snada
tcita
.i lo cizra velne'u befo lo cunso cenba ke jimskocau velbe'i cu jai cumki fai lo ka mukti lo ka do fekybi'o
cmene selci'a
.i pa cnino skeselfa'i cu xusra
lo du'u va'o lo nu dunda fi lo ratcu fe lo selbeifonxa jo'u lo vrabatke befi lo nu xagzengau lo velbe'i
cu batci fa ry. pu'o lo nu vy. pofybi'o kei
jecu co'a retsku fa lo do skeselfa'i jatna fi lo rupnu
pamoi papri
la .luk.skaiuakr.: .i za'a ko'a klama le cmalu lunra
la .ben.kenobis.: .i na lunra jecu kensa selxa'u
remoi papri
la .luk.skaiuakr.: .i ku'i dukse lo ni barda kei lo kensa selxa'u
la .ben.kenobis.: .i ku'i dukse lo ni ba'e *cmalu* kei lo lunra
[ze'a lo cacra be li ci]
cimoi papri
la .luk.skaiuakr.: .i .i'a.o'ocu'i
.i pei mi'o tugnysi'u da'i lo du'u na lunra ju'ei ku'i lo'e torlunra ca'e co'a klesi
la .ben.kenobis.: .ije ma banzuni lo nu torlunra kei doi mabla
.i xu le vi ba'e *keslo'i* nau torlunra vau .ianaisai
la .luk.skaiuakr.: .i ko ko gletu
cmene selci'a
la jemja'a .djan.dodonas.: .i le nu catlu lo se platu be la noltruti'u .leias. cu mukti
lo nu di'a jmive fa lo nu darlu tu'a lo rutni cmalunra tu'a lo rivbi plinyselxa'u
.i sei mi terpa lo preti ca'o popygau la proda'a
pamoi papri
le skami pe la blabi mapku: zilcme_xipamubi.docx
zilcme_xirevopa.doc
zilcme_xipacibi_fukpi.docx
zilcme_xipacibi_fukpi_xire.docx
zilcme_xipacino.docx
zilcme_xipavo_co_mamta_judri.jpg
zilcme_xirevore.doc
zilcme_xirevoci.doc
zilcme_xirevoci_co_vajni.doc
la bliiardo bolci: .oi sai re'e
tcita
sei creti'i ko noroi lanli lo tertcidu datnyveimei pe na'e bo do
cmene selci'a
lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_
lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_
lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_
lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_lo_fukpi_be_
lo_zilcme.doc
pamoi papri
la .megyn.: .i ma'a ba'o platu lo su'ei nalsanji nuntoi
be fi'o se cipra lo te stika be lo bluci'e nilkanro
bei lo nungle
.i ro lo re gunma ba ba'e *jinvi* lo du'u vo'a krefu lo nu jai gletu kei li so'i
.iku'i pa lo go'i ba je'u cpacu lo sakta micyxu'i
tcita
lo jimte be lo su'ei nalsanji nuntoi
cmene selci'a
.iji'a .ei sanji lo du'u su'o da poi prenu zo'u lo nu kanla be da gacri cu glepu'a da
pamoi papri
.i ki'u tu'a lo cmalu ni kijno ku
lo kesyskepre poi ga'usai gunka cu ciska lo selpla pu ku va'o lo za'i li no nilga'u vau vau .ei la'a
le pamoi kesyskepre: .iku'inai mi'a ko'oi mo'iga'u klama lo tarlaldi'u
remoi papri
le pamoi kesyskepre: .i ca lo nu tsuku lo ma'arcpana cu catlu lo zirkliru ke xelmredragau tutci jecu gasnu lo kampu nu xelmredragau
lo remoi kesyskepre: .i'e
cimoi papri
lo pamoi kesyskepre: .i lo stedu be mi cu jai se ganse fai lo ci'izra
lo remoi kesyskepre: .i lo va darvistci boldi'u noi se viska ko na .a'o gunro rivli'a
lo pamoi kesyskepre: .i ju'ocu'i mi'a .ei nipsri co'e
vomoi papri
lo pamoi kesyskepre: .i .u'i ko visla le vi minra .i lo clira be mi cu bratce
lo remoi kesyskepre: .i mi do viska sepi'o lo darvistci .i mi puzi zatfa'i do
lo pamoi kesyskepre: .i mi'a ko'oi tactacpe'usi'u
cmene selci'a
.i ko toly'aktygau lo togygu'i ke gidva tarci
.i mu'i ma
.i tarci mlatu
pamoi papri
la .megyn.: .i da'i ca'e la .santas. fe'eparoi tu'a so'u zdani cu citka pa titnanba
.i megygra li ji'ipanono
.i pu lo fanmo be lo nicte sy. cisni ja'o lo mitre be li repire
.i ku'i na go'i
remoi papri
la bliiardo bolci: .i do xura ma
la .megyn.: .i xu la .santas. cu kalcyvi'i bu'u lo zdani be ma'a
cimoi papri
la bliiardo bolci: .i ju'o na g'i
la .megyn.: .i li'a le tilju cu klama da
la bliiardo bolci: .i sy. ponse le makfa dakli vau ju'ocu'i
la .megyn.: .i pe'idai xu sy. kalcyvi'i bu'u lo dakli be lo ba'e *seldu'a*
vomoi papri
la bliiardo bolci: .i sei cumki seba'i lo nu fe'eparoi tu'a so'u zdani cu kalcyvi'i ku sy. denpa jecu kalcyvi'i co ba'e *mutce* bu'u so'u zdani
la .megyn.: .ije va'o lo nu noda pu xlali fi la'edi'u ku mo
la bliiardo bolci: .i sy. cunso cuxna .i lo se nitcu be lo bralai cu co'e
cmene selci'a
.i la'a sa'u sy. kalcyvi'i ga'umo'izo'a lo korbi be lo salcarce
pamoi papri
la bliiardo bolci: .i do mo
la .megyn.: .i ca notsku lo sedu'u makau jinga lo bapli mencrefonxa bo jundi balterjvi
vomoi papri
la bliiardo bolci: .i xu do jinga
la .megyn.: .i lo mutpapri cu spofu
la bliiardo bolci: .i cizra
la .megyn.: .i .ei mi za'ure'u refkibycpa
cmene selci'a
.i lu do bu'u ma te cusku lo sedu'u do jinga li'u
.i lu je'u mi pu sipna .i mi cikybi'o ca lo nu mi refkibycpa jecu sanjybi'o le nuzba li'u
pamoi papri
la .megyn.: .i xu do cnino nanca jdice da
la fraso mapku: .i mi ba facki lo du'u lo si'o samymri cu mokau
la .megyn.: .i lo si'o ba'e *samymri* xu
remoi papri
la fraso mapku: .i so'i da roroi cusku lo sedu'u da samymri de
.ije sei simlu da mutce co selvai .iku'inai mi roroi sedmu'utu'i .iku'i mi te sidbo lo du'u mokau kei no da
la .megyn.: .i ue ku'i do cusku lo judrysni fu lo do mutpapri
cimoi papri
la fraso mapku: .i ua sai jy samymri judrysni
la .megyn.: .i lo si'o samymri cu vajni .i .eidai na'e noroi lanli .i na simsa lo vokmri
vomoi papri
la fraso mapku: .i xunai cumki fa lo nu benji fu lo fadni
la .megyn.: .i ri mo
la fraso mapku: .i mu'a lo papryfonmi'i ja la bikta'a
la .megyn.: .i uanai lo lunbe pixra co'e xu
la fraso mapku: .i lo papryfonmi'i cu se pilno fi lo nu papryfongle
cmene selci'a
.i lo mi seljdi pe lo cnino nanca ne de'i zoi jviso. 2014-54-12/30/14 Dec:12:1420001642 .jviso zo'u mi .ei cilre fi le mabla detmo'a
pamoi papri
la .megyn.: .i pau lo mi'o vimku'a cu simlu lo ka jinsa rauva'e vau .iepei
la bliiardo bolci: .i .ie .i mu'i ma preti
la .megyn.: .i mi cpacu lo bacyzirpu xantergu'i .i ko catlu
cimoi papri
la bliiardo bolci: .i ma nabmi
*.iklki*
*.iklki*
la bliiardo bolci: .i .oi'o sai
vomoi papri
la bliiardo bolci: .i lo vimstizu cu smimlu le cutne be ba lo nu lo fange cu se cecla
la .megyn.: .i mi'o ma se ba'e *zukte*
mumoi papri
la bliiardo bolci: .i .ei jisygau .i jisygau jecu jisygau jecu noroi sisti
la .megyn.: .i na banzu .i .e'u jelspo lo dinju mu'i tu'a lo binra rupnu
xamoi papri
la bliiardo bolci: .i xunai lo jai go'i cu tolvrude
la .megyn.: .i lo mi se vrude cu canci ri'a pe'a lo jursa ke bacyzirpu gusni
bimoi papri
la bliiardo bolci: .i vi'o .i mi ca'o guglsisku lo binryve'u
.i pei ma traji lo ni pleji kei lo se go'i
la .megyn.: .i .e'u sa'u foncpe so'o ri
cmene selci'a
.i pau mu'i ma sisti do'e lo mi'o zdani
.i .e'a jelspo ba'e *ro* lo vi zdani mu'i tu'a lo binra rupnu
pamoi papri
la krerebla: .i ca ro nanca ca pa djedi cu solnuncanci lo satci zvabi'i be lo re vi tricu
la bliiardo bolci: .i ua .a'u simsa lo .manxatyn. fasnu
cimoi papri
la bliiardo bolci: .i .y xunai go'e ca ro djedi lo zvabi'i be so'e lo tricu remei
la krerebla: .i ko smaji .i nau jbikla
vomoi papri
la bliiardo bolci: .i .y ue mo
la .megyn.: .i xu lo dakli cu bredi
la krerebla: .i go'i .i ko sutyjai
la .megyn.: .i ui mi'o ba ba'e *ricfu*
cmene selci'a
.i mi pu bregau lo notci pe la .kreigzlist.
.i mi na pu birti lo du'u makau klesi
.i ja'o mi cuxna lo kamselponse jecu xusra lo du'u xamgu fa lo solri nilviska
pamoi papri
la .megyn.: .i ma traji lo ka do caudri ke'a poi purci lo nu bi'arsutpe'a
la bliiardo bolci: .i mi ja'aru'e morji
remoi papri
la .megyn.: .i mi caudri lo ka vaxni'ajinru jenai se jirfirgai
la bliiardo bolci: .i mi caudri lo nu nonseldi'a tisna lo tcigaso
la .megyn.: .i mi caudri lo ka gredile jukpa bu'u lo ckusro
cimoi papri
la .megyn.: .i mi caudri lo nu lo bandu julne na jbini lo jvirtenisi
la bliiardo bolci: .i mi caudri lo zdane'i jadypo'a
vomoi papri
la .megyn.: .i mi caudri lo nu ca'icru lo nu bu'u lo samkeistu cu vimcu lo zilkei lo dakli sepi'o lo xance jenai lo jgalu .oiro'e
la bliiardo bolci: .i .oi mi xebni ri
la .megyn.: .i mi geirbavykri lo jinku
cmene selci'a
.i mi geirbavykri lo nu mo'u co'e je mi di'a selma'e lo xirma bu'u lo zairdijgunma